АСМК мүчөлөрүн аттестациядан өткөрүүнүн тартиби

Аттестациядан өтүү үчүн үй-бүлөлүк дарыгерлер КР Саламаттык сактоо министрлигинин 2021-жылдын 8-июнундагы № 755 буйругуна ылайык иштелип чыккан белгиленген тартипти сактоого тийиш.

1. Жалпы жоболор

• Аттестацияга документтерди кабыл алуу, каттоо, текшерүү жана өткөрүп берүү эрежелерин аныктайт.
• Ишке ашырууга жооптуу: АСМКнын Клиникалык практика жана аттестация боюнча комитети.

2. Документтерди кабыл алуу

• Документтер жумуш күндөрү электрондук жана/же кагаз түрүндө кабыл алынат.
• Арызга төмөнкү документтер тиркелет:
  • Белгиленген формадагы аттестациядан өтүүгө арыз;
  • Аттестациялануучунун жетекчиси тарабынан кол коюлган эсептик картасы;
  • Медициналык билим берүү жөнүндө дипломдун көчүрмөсү;
  • Адистин сертификатынын көчүрмөсү;
  • Белгиленген мөөнөттө НМБ (НМО) курстарынан өткөндүгүн жана сааттардын белгиленген көлөмүн (250 кредит-саат) тастыктаган документтердин көчүрмөлөрү;
  • Эмгек китепчесинин көчүрмөсү (эмгек ишмердүүлүгү жөнүндө маалыматтар);
  • Паспорттун же ID-картанын көчүрмөсү;
  • Төлөм жүргүзүлгөндүгү тууралуу квитанция (реквизиттерди катчы берет).
• Документтер жеке номер ыйгаруу менен каттоого алынат.
• Документтерди аттестациялык комиссиянын катчысы Таалайканова Айнура Таалайкановна электрондук почта аркылуу ajnuratt@gmail.com дарегинде кабыл алат.
• Кошумча маалымат алуу үчүн +996 708 835 888 (WhatsApp) телефонуна кайрылса болот.

3. Документтерди текшерүү

• Документтер АСМКнын Комитети тарабынан 10 жумуш күнүнүн ичинде текшерилет.
• Текшерүү төмөнкүлөрдү камтыйт:
  • Формалдуу экспертиза — бардык документтердин бар экендигин жана алардын туура толтурулушун текшерүү;
  • Мазмундук экспертиза — № 755 буйрукка шайкештигин жана НМБ боюнча тастыкталган сааттарды текшерүү.
• Документтерде дал келбестиктер аныкталган учурда, арыз ээсине 5 күндүн ичинде билдирилет.
• Кемчиликтер оңдолгондон кийин документтер кайрадан текшерилет.

4. Чечим кабыл алуу

• Комитет аттестацияга киргизүү же киргизүүдөн баш тартуу жөнүндө корутунду даярдайт.
• Корутунду АСМКнын төрагасы тарабынан бекитилет.
• Аттестацияга киргизилген учурда документтер тестирлөө үчүн ЦНОКко өткөрүлүп берилет.
• Арыз ээсине кабыл алынган чечим жана тестирлөөнүн датасы жөнүндө билдирилет.

5. Документтерди сактоо жана отчеттуулук

• Бардык документтер АСМКнын архивинде кеминде 5 жыл сакталат.
• Ар бир квартал сайын берилген арыздардын саны жана аттестациянын жыйынтыктары жөнүндө отчет берилет.

Биздин максаттарыбыз

• Үй-бүлөлүк дарыгерлердин кесиптик өсүшүн колдоо;
• Аттестация процессинин ачык-айкындуулугун камсыз кылуу;
• Медициналык практиканын компетенцияларын жана стандарттарын жогорулатуу.